Намеснік начальніка аб'яднанага штаба ЦВС Кітая Шаа Юаньмін, намеснік сакратара Міністэрства абароны Аўстраліі Рэбека Скінар і намеснікам камандуючага сіламі абароны Аўстраліі Рэй Грыгс правялі ў Канберы 20-ы раўнд кітайска-аўстралійскіх міжармейскіх стратэгічных кансультацый па справах абароны. Бакі абмяняліся меркаваннямі па пытаннях міжармейскіх адносін, рэгіянальнай бяспекі і іншых пытаннях.
Шаа Юаньмін заявіў, што Кітай мае намер з нагоды святкавання 45-й гадавіны ўстанаўлення дыпламатычных адносін з Аўстраліяй умацоўваць практычнае супрацоўніцтва ў галіне візітаў на высокім узроўні, правядзення сумесных вучэнняў, шматбаковай бяспекі і процідзеяння міжнароднаму тэрарызму, бесперапынна напаўняць зместам кітайска-аўстралійскія адносіны стратэгічнага партнёрства.
Аўстралійскі бок адзначыў, што абароннае супрацоўніцтва Аўстраліі і Кітая з'яўляецца важным складальнікам адносін стратэгічнага партнёрства дзвюх краін. Аўстралія гатова сумесна з Кітаем працягваць захоўваць спрыяльнае развіццё двухбаковых міжармейскіх сувязяў, узмацняць стратэгічнае ўзаемадзеянне армій дзвюх краін, паглыбляць практычнае супрацоўніцтва ў галіне ваеннай адукацыі і падрыхтоўкі кадраў, бесперапынна павышаць узровень супрацоўніцтва дзвюх краін у галіне абароны. - Р -