Да галоўнага дзяржаўнага свята - дня стварэння КНР (1 кастрычніка) плошчу Цяньаньмэнь упрыгожылі велізарнай канструкцыяй у выглядзе кошыка з кветкамі і садавінай. Усталёўка кампазіцыі, вышынёй 17 м і дыяметрам 50 м, была завершана ў нядзелю, 24 верасня. Дэкаратыўныя кветкі і садавіна сімвалізуюць дасягненні краіны за пяць гадоў з моманту правядзення 18-га з'езда КПК. Традыцыя ўпрыгажэння да кастрычніцкіх святаў цэнтральнай плошчы краіны велізарным кошыкам з кветкамі і садавінай з надпісам "З днём нараджэння, Радзіма", бярэ пачатак з 2011 года.