Кітай не ўхваляе эскалацыю слоўнай вайны паміж ЗША і КНДР, прытрымліваючыся пазіцыі прадухілення беспарадкаў і войнаў на Карэйскім паўвостраве, заявіў у аўторак на чарговай прэс-канферэнцыі афіцыйны прадстаўнік МЗС КНР Лу Кан.

У сувязі з тым, што слоўнае супрацьстаянне, якое разгарнулася паміж КНДР і ЗША, зноў прыцягнула ўвагу міжнароднай супольнасці, Кітай спадзяецца, што палітыкі ЗША і КНДР маюць дастатковую палітычную разважлівасць, каб усвядоміць, што зварот да зброі ніколі не стане прыдатным спосабам вырашэння праблемы Карэйскага паўвострава і ліквідацыі ўласных заклапочанасцяў.

Бясконцае слоўнае супрацьстаянне і ўзаемнае раздражненне могуць толькі павысіць рызыку канфрантацыі і звузіць прастору для палітычнага манеўру, адзначыў кітайскі дыпламат, падкрэсліўшы, што ў выпадку вайны не будзе пераможцаў, яна стане трагедыяй для краін рэгіёна.

Паводле слоўх Лу Кана, прэс-сакратар Белага дома Сара Сандарс назвала абсурднымі выказванні аб тым, што ЗША абвясцілі вайну КНДР, і выказала гатоўнасць прадоўжыць імкненне да дасягнення дэнуклеарызацыі Карэйскага паўвострава мірным шляхам. - Р -