Урбанізацыя ўяўляе сабой непазбежны шлях да ажыццяўлення мадэрнізацыі Кітая і мае вялікае значэнне для ўсебаковага будаўніцтва мадэрнізаванай сацыялістычнай дзяржавы. Пра гэта заявіў на днях дэлегат 19-га з'езда КПК, намеснік начальніка Дзяржаўнага статыстычнага ўпраўлення (ДСУ) КНР Маа Юфэн у інтэрв'ю кар. агенцтва Сіньхуа.

Маа Юфэн адзначыў, што паскарэнне працэсу урбанізацыі спрыяе пашырэнню ўнутранага попыту, павышэнню эфектыўнасці вытворчасці і аптымізацыі размеркавання рэсурсаў у Кітаі.

Па дадзеных ДСУ КНР, у апошнія гады быў адзначаны хуткі рост паказчыкаў урбанізацыі ў краіне. У 2016 годзе ў гарадах пастаянна пражывала 57,35 прац. насельніцтва краіны, што на 4,78 працэнтнага пункта больш, чым у 2012 годзе. Сярэднегадавы рост склаў 1,2 працэнтнага пункта.