Сі Цзіньпін у аўторак заявіў, што кітайскі сацыялістычны строй адрозніваецца непахіснасцю і кіпучымі жыццёвымі сіламі. Перад кітайскім народам і кітайскай нацыяй адкрываюцца бязмежныя магчымасці і светлыя перспектывы. "Наша партыйнае кіраўніцтва і наш сацыялістычны строй адрозніваюцца непахіснасцю", - адзначыў Сі Цзіньпін на заключным пасяджэнні 19-га з'езда КПК. "У такую вялікую эпоху мы ўдвая поўныя ўпэўненасці ва ўласных сілах і пачуцця гонару, у той жа час мы глыбока ўсведамляем ускладзеную на нас велізарную адказнасць", - падкрэсліў ён.

Камуністычная партыя Кітая адзначыла 96-годдзе з часу ўтварэння, Кітайская Народная Рэспубліка адсвяткавала 68-ю гадавіну, а палітыка рэформаў і адкрытасці была абвешчана 39 гадоў таму, адзначыў Сі Цзіньпін.

Паводле яго слоў, у працяглы перыяд, гуртуючы і ведучы за сабой кітайскі народ і кітайскую нацыю, КПК вяла нястомную і настойлівую барацьбу, у корані змяніла трагічнае становішча, пры якім стары Кітай падвяргаўся знявазе, а кітайскі народ з-за слабасці кітайскай нацыі жыў у крайняй галечы. - Р -