Старшыня КНР Сі Цзіньпін і яго жонка Пэн Ліюань запрасілі прэзідэнта ЗША Дональда Трампа і яго жонку Меланню Трамп наведаць музей Гугун. Падчас наведвання старадаўняга палаца, яны пабывалі ў трох галоўных залах Забароненага горада - "Тайхэдзянь", "Чжунхэдзянь" і "Баахэдзянь".
"Тайхэдзянь" з'яўляецца адной з найбуйнейшых драўляных пабудоў у Кітаі і самай вялікай залай палацавага комплексу Гугун. Падчас праўлення дынастый Мін і Цін тут праходзілі цырымоніі каранацыі імператараў і вясельныя цырымоніі. "Чжунхэдзянь" ўяўляе сабой квадратны будынак з вокнамі, накіраванымі на чатыры бакі свету. Зала "Баахэдзянь" служыла памяшканнем для правядзення вясельнай цырымоніі імператара Шуньчжы – трэцяга кіраўніка дынастыі Цін. Апрача таго, штогод напярэдадні Свята вясны і на пятнаццаты дзень першага месяца па месячным календары імператары праводзілі ў зале банкеты для сваякоў і высокапастаўленых чыноўнікаў. - Р -