25 лістапада 2017 года у Другім Пекінскім універсітэце замежных моў пры падтрымцы Пасольства Беларусі ў Кітаі прайшла Трэцяя міжнародная навукова-практычная канферэнцыя "Беларусь - 2017" . Арганізатарамі мерапрыемства выступілі Кітайска-Беларускі аналітычны цэнтр развіцця Кітайскай акадэміі навук і Цэнтр вывучэння Беларусі пры Другім Пекінскім універсітэце замежных моў.
Падчас канферэнцыі былі заслуханы і абмеркаваны даклады, прысвечаныя сацыяльна-эканамічнаму развіццю Беларусі, беларуска-кітайскім адносінам у гандлёва-эканамічнай, інвестыцыйнай і гуманітарнай галінах, а таксама выкладанню беларускай мовы як замежнай.
На цырымоніі адкрыцця з прывітальным словам выступіў саветнік Пасольства Беларусі ў Кітаі Сяргей Вяргейчык. Дыпламат адзначыў важнасць правядзення навуковых абменаў для развіцця ўсяго спектра двухбаковых адносін.
Акрамя таго, падчас мерапрыемства Сяргей Вяргейчык прадставіў другі зборнік асноўных міжнародных пагадненняў, падпісаных Беларуссю і Кітаем у 2013-2017 гадах - праект, рэалізаваны Міністэрствам замежных спраў Кітая ў рамках мерапрыемстваў, прысвечаных 25-годдзю ўстанаўлення дыпламатычных адносін. Міждзяржаўныя і міжурадавыя пагадненні, якія ўвайшлі ў зборнік, адлюстроўваюць важны этап актыўнага развіцця дагаворна-прававой базы двухбаковага супрацоўніцтва.