Урад Шры-Ланкі афіцыйна запусціў праект кітайска-шрыланкійскага супрацоўніцтва ў порце Хамбантота. Таксама было абвешчана аб перадачы порта ў форме сумеснага прадпрыемства ў эксплуатацыю кампаніі China Merchants Port Holdings.
Прэм'ер-міністр Шры-Ланкі Раніл Вікрамасінгхе на цырымоніі выказаў кітайскаму боку падзяку за доўгатэрміновую дапамогу раёну Хамбантота. Ён адзначыў, што развіццё і будаўніцтва порта Хамбантота з'яўляецца важнай сферай супрацоўніцтва Шры-Ланкі і Кітая ў рамках ініцыятывы "Пояс і шлях", выказаўшы ўпэўненасць, што ў будучым за кошт супрацоўніцтва порт напоўніцца новымі жыццёвымі сіламі.
Порт Хамбантота размешчаны на паўднёвым ускрайку Шры-Ланкі прыкладна за 10 марскіх міляў ад магістральнага маршруту міжнародных марскіх перавозак, ён з'яўляецца ўніверсальным штучным глыбакаводным марскім портам. - Р -