Цягнік амерыканскай чыгуначнай карпарацыі Amtrak сёння раніцай сышоў з рэек у штаце Вашынгтон на заходнім узбярэжжы ЗША, ёсць пацярпелыя, але іх дакладная колькасць пакуль невядома. Пра гэта гаворыцца ў паведамленні карпарацыі ў Твітэры.
"Amtrak ведае пра інцыдэнт, які адбыўся з цягніком 501 Cascades, які ехаў з Сіэтла ў Портлэнд. Выратавальныя службы знаходзяцца на месцы здарэння, таксама выехала кіраўніцтва Amtrak. Ёсць пацярпелыя", - гаворыцца ў паведамленні.