Кітай высунуў "дарожную карту" па ператварэнні краіны ў магутную гандлёвую дзяржаву да 2050 года. Гэта было агучана ў панядзелак на штогадовай працоўнай нарадзе па камерцыйных справах краіны.
Як вынікае з даных Мінкамерцыі КНР, на працягу мінулых пяці гадоў Кітай папярэдне перарос у буйную гандлёвую краіну, якая займае перадавыя пазіцыі ў свеце па аб'ёмах унутранага спажывання, знешняга гандлю, прыцягнутых і знешніх інвестыцый. Усё гэта заклала трывалую аснову для набыцця статусу сусветнай магутнай гандлёвай дзяржавы.
Па паведамленні міністра камерцыі Чжун Шаня, "дарожная карта" будзе рэалізавана ў тры этапы: да 2020 года ўмацаваць статус буйной гандлёвай краіны, да 2035 года папярэдне выканаць будаўніцтва магутнай гандлёвай дзяржавы, а да 2050 года паўнавартасна выканаць вызначаную мэту.
Мінкамерцыі на нарадзе таксама назвала прыярытэтныя напрамкі працы на 2018 год: захаванне стабільнага росту знешняга гандлю, добрасумленнае выкананне буйных задач па знешняй падтрымцы, паглыбленне гандлёвага супрацоўніцтва ў рамках «Пояса і шляху» і інш. - Р -