Член Палітбюро ЦК КПК, кіраўнік канцылярыі Цэнтральнай кіруючай групы ЦК КПК па фінансавых і эканамічных справах, кіраўнік кітайскага боку на ўсеабдымным эканамічным дыялогу паміж Кітаем і ЗША Лю Хэ з 27 лютага па 3 сакавіка па запрашэнні амерыканскага ўрада здзейсніў візіт у ЗША.
Лю Хэ адзначыў, што Кітай будзе і далей прасоўваць усеабдымнае паглыбленне рэформаў, пашыраць знешнюю адкрытасць. Эканомікі Кітая і ЗША характарызуюцца ўзаемадапаўняльнасцю, ёсць вялікі прыхаваны патэнцыял супрацоўніцтва. Падтрыманне стабільнага развіцця гандлёва-эканамічных адносін паміж Кітаем і ЗША адпавядае карэнным інтарэсам дзвюх краін, а таксама ідзе на карысць развіццю і росквіту глабальнай эканомікі.