У панядзелак пасля сустрэчы з прэм'ер-міністрам Ізраіля Біньямінам Нетаньяху прэзідэнт ЗША Дональд Трамп заявіў СМІ пра свой магчымы ўдзел у цырымоніі адкрыцця новай амбасады ЗША ў Ерусаліме.
На сумеснай сустрэчы з журналістамі ў Белым доме Д. Трамп паведаміў, што Вашынгтон якраз разглядае гэтае пытанне. Па словах кіраўніка амерыканскай адміністрацыі, ён спадзяецца зноў паехаць у Ізраіль. Д. Трамп таксама падкрэсліў, што адносіны паміж ЗША і Ізраілем у цяперашні час знаходзяцца на лепшым узроўні за ўсю сваю гісторыю, дзве краіны цесна супрацоўнічаюць у гандлёвай, ваеннай і іншых галінах.
v 
v 
v