У Кітаі пачаўся трэці этап рэалізацыі праграмы пілатуемай касманаўтыкі - будаўніцтва касмічнай арбітальнай станцыі. Пра гэта паведамілі ў прэс-службе Касмічнай праграмы КНР.

У цяперашні час поўным ходам ідуць усе адпаведныя даследчыя і будаўнічыя работы. У чэрвені наступнага года запланаваны першы запуск ракеты-носьбіта «Чанчжэн-5Б» (серыя «Вялікі паход»), пасля чаго будуць паслядоўна запушчаны асноўны і эксперыментальны модуль станцыі, а таксама ажыццёўлена зборка станцыі на арбіце. 2018 год - ключавы год для рэалізацыі трэцяга этапу касмічнай праграмы, у першым паўгоддзі пройдзе 3-і набор у атрад касманаўтаў, куды, акрамя касманаўтаў, увойдуць і інжынеры.