У Кітаі будзе заснавана міністэрства па кіраванні надзвычайнымі сітуацыямі для прадухілення і ліквідацыі сур'ёзных і буйных рызык і паляпшэння работы па аказанні дапамогі пры бедствах. Пра гэта адзначаецца ў плане рэформаў структур Дзяржсавета КНР, які прадстаўлены ў аўторак на разгляд 1-й сесіі УСНП 13-га склікання.

Новае міністэрства зоймецца складаннем і ажыццяўленнем планаў кіравання надзвычайнымі сітуацыямі і арганізацыяй работы па выратаванні людзей і аказанні дапамогі пры стыхійных бедствах і аварыях на вытворчасці.

Яно таксама будзе курыраваць сферу бяспекі на вытворчасці, прадухіленне і кантроль над пажарамі, паводкамі, засухай і бедствамі геалагічнага характару.

З новым міністэрствам будуць афіляваныя Дзяржаўнае сейсмалагічнае упраўленне і Дзяржаўнае упраўленненне кантролю за бяспекай вытворчасці на вугальных шахтах, а Дзяржаўнае упраўленне па кантролі за бяспекай на вытворчасці будзе скасавана.