Былы прэзідэнт Францыі Нікаля Сарказі быў затрыманы паліцыяй у сувязі са справай аб атрыманні ахвяравання на палітычную дзейнасць ад былога лівійскага кіраўніка Муамара Кадафі.
Французскія СМІ ў аўторак паведамілі, што Н. Сарказі выклікалі ў антыкарупцыйны і фінансава-падатковы орган у Нантэр. Хоць СМІ не раз пісалі пра тое, што Н. Сарказі звязаны з незаконным палітычным фінансаваннем з Лівіі, аднак гэта першы раз, калі яго выклікалі для допыту ў рамках расследавання справы.
У 2012 годзе пасля таго, як Н. Сарказі не быў пераабраны на пасаду прэзідэнта краіны, французскія СМІ апублікавалі сакрэтны дакумент лівійскіх спецслужбаў, у якім адзначаецца, што Н. Сарказі атрымаў велізарныя сродкі з Лівіі на перадвыбарчую кампанію на выбарах 2007 года. У сувязі з гэтым пракуратура Францыі падазрае, што былы лівійскі лідар Муамар Кадафі і яго сын Сейф аль-Іслам Кадафі аказалі Н. Сарказі фінансавую дапамогу ў барацьбе за пасаду прэзідэнта.
У сакавіку 2011 года ў інтэрв'ю еўрапейскаму тэлеканалу Сейф аль-Іслам Кадафі заявіў, што Лівія прадаставіла Н. Сарказі сродкі на яго перадвыбарчую кампанію.