Урад КНР размеркаваў адказнасць паміж міністэрствамі і структурамі Дзяржсавета КНР за рэалізацыю задач, пазначаных у дакладзе аб рабоце ўрада. Пра гэта гаворыцца ў афіцыйнай заяве, апублікаванай па выніках праведзенага сёння пасяджэння Дзяржсавета пад старшынствам прэм'ера Лі Кэцяна.

У дакуменце ўказваецца, што ўрадавыя органы павінны прымаць планы па рэалізацыі даручаных ім задач і прымаць меры, якія адказваюць чаканням народа. Урад КНР забяспечыць дасягненне вызначаных на бягучы год паказчыкаў сацыяльна-эканамічнага развіцця, каб новы тэрмін работы ўрада пачаўся належным чынам.

Урадавыя органы на ўсіх узроўнях павінны забяспечваць больш скаардынаваную і эфектыўную палітыку, а таксама прадпрымаць намаганні па спрашчэнні працэдур выдачы адміністрацыйных дазволаў і скарачэнні падаткаў і збораў.

Кітай павінен выконваць даныя народу абяцанні і рабіць упор на ўмовы жыцця людзей, у тым ліку занятасць, адукацыю, медыцынскія паслугі і догляд пажылых людзей. - Р -