Першы распрацаваны і выраблены ў Кітаі рэактыўны пасажырскі самалёт ARJ21-700 упершыню паспяхова выканаў рэйс Хух-Хато – Улан-Хато – Хух-Хато. Тым самым быў пакладзены пачатак рэгіянальнай паказальнай эксплуатацыі авіялайнера на тэрыторыі АР Унутраная Манголія. Пра гэта стала вядома сёння ў Міністэрстве прамысловасці і інфарматызацыі КНР.

Паказальная эксплуатацыя ARJ21-700 будзе працягвацца 10 дзён і завершыцца 30 сакавіка. Асноўная мэта гэтага мерапрыемства – прадэманстраваць прыдатнасць эксплуатацыі самалёта ва ўмовах цэнтральных і заходніх раёнаў Кітая, заслухаць рэкамендацыі ўсіх зацікаўленых бакоў для пастаяннага ўдасканалення магчымасцей абслугоўвання і стварыць умовы для развіцця і маркетызацыі ARJ21-700 у цэнтральным і заходнім Кітаі. - Р -