Ініцыятыва "Пояс і шлях", якая прынесла глабальным прадпрыемствам велізарныя спрыяльныя магчымасці, карыстаецца шырокай папулярнасцю, заявіла ў сераду афіцыйны прадстаўнік МЗС КНР Хуа Чуньін.

Такім чынам чыноўнік кітайскага МЗС на чарговай прэс-канферэнцыі пракаментавала апублікаваныя амерыканскім кабельным і спадарожнікавым тэлеканалам CNBC вынікі аналізу, згодна з якімі вышэйшае кіраўніцтва шэрагу трансгранічных кампаній станоўча ацаніла ініцыятыву "Пояс і шлях", лічачы, што яна дала ім рэдкі камерцыйны шанс, якім неабходна актыўна скарыстацца.

Кітай прыняў да ўвагі адпаведную інфармацыю, адзначыла Хуа Чуньін. Паводле яе слоў, за мінулыя пяць гадоў па меры бесперапыннага развіцця супрацоўніцтва ў рамках "Пояса і шляху" ўсё больш краін, міжнародных арганізацый і прадпрыемстваў прагаласавалі за "вотум даверу" і "вотум падтрымкі" гэтай ініцыятывы.

Кітай гатовы сумесна з рознымі бакамі ў далейшым прытрымлівацца прынцыпаў "сумесных кансультацый, сумеснага будаўніцтва і сумеснага карыстання" і скрупулёзна разгортваць ініцыятыву "Пояс і шлях", ствараючы тым самым больш спрыяльных магчымасцей для развіцця розных краін і росту глабальнай эканомікі, канстатавала прадстаўнік кітайскага знешнепалітычнага ведамства. - Р -