Амерыканская карпарацыя Boeing перадала кітайскім кампаніям Bank of Communications і Okay Airways 9999-ы самалёт серыі Boeing-737. 24 сакавіка ён вылецеў у Кітай з аэрапорта «Боінг-Філд» у Сіэтле штата Вашынгтон.
Афіцыйная перадача самалёта мадэлі 737-800 з рэгістрацыйным нумарам У-1228 кампаніі Okay Airways адбылася 23 сакавіка, а 27 сакавіка самалёт прыбудзе ў міжнародны аэрапорт «Біньхай» у Цяньцзіне. У выніку наяўны парк самалётаў Boeing у гэтай кампаніі вырасце да 27 адзінак.
Афіцыйная эксплуатацыя самалёта пачнецца ў канцы сакавіка, першым рэйсам для яго стануць пералёты паміж гарадамі Цяньцзінь і Чанша. - Р -