Кітай прыняў рашэнне ўвесці дадатковыя 25-працэнтныя пошліны на соевыя бабы, аўтамабілі, самалёты і іншыя віды амерыканскай прадукцыі на агульную суму 50 млрд долараў, гаворыцца ў заяве Мінкамерцыі КНР на сайте ўстановы.
Як паведамляецца, дзеянні амерыканскага боку відавочна ідуць насуперак адпаведным правілам СГА, сур'ёзна парушаюць законныя інтарэсы, якімі карыстаецца Кітай у адпаведнасці з правіламі СГА, і пагражаюць эканамічным інтарэсам і бяспецы Кітая. Для абароны сваіх эканамічных інтарэсаў кітайскі ўрад прыняў рашэнне на аснове Закона КНР аб знешнім гандлі і іншых законаў і пастаноў, а таксама асноўных прынцыпаў міжнароднага права, адзначана ў заяве Мінкамерцыі Кітая. - Р -