Прэзідэнт Рэспублікі Карэя Мун Чжэ Ін і вярхоўны лідар КНДР Кім Чэн Ын у пятніцу раніцай пачалі афіцыйныя перамовы на паўднёвакарэйскім баку памежнай вёскі Пханмунджом. Гэта трэці ў гісторыі міжкарэйскі саміт.
Пасля ўдзелу ў афіцыйнай цырымоніі сустрэчы лідары дзвюх краін пачалі перамовы аб міры і росквіце Карэйскага паўвострава ў канферэнц-зале на другім паверсе "Дома міру" – паўднёвакарэйскага будынка ў Пханмунджоме.
Упершыню сустрэўшыся, Мун Чжэ Ін і Кім Чэн Ын, стоячы кожны па свой бок ад ваеннай дэмаркацыйнай лініі, пазначанай нізкай бетоннай плітой, абмяняліся поціскам рукі. Пасля таго як Кім Чэн Ын перасёк лінію падзелу, ён запрасіў Мун Чжэ Іна ненадоўга зайсці на бок КНДР.
Кім Чэн Ын стаў першым лідарам КНДР, які ступіў на тэрыторыю РК пасля Карэйскай вайны 1950-1953 гг. Папярэднія два саміты прайшлі ў Пхеньяне ў 2000 і 2007 гадах. - Р -