У правінцыі Хубэй паскоранымі тэмпамі прасоўваецца праца па ўкараненні ў камерцыйную эксплуатацыю сеткі 5G. Да канца чэрвеня ў зоне асваення новых і высокіх тэхналогій "Дунху" ва Ухане, адміністрацыйным цэнтры правінцыі Хубэй, будуць пабудаваны першыя 20 базавых станцый 5G, дзякуючы чаму з'явяцца ўмовы для пачатку тэсціравання сеткі 5G. Пра гэта распавялі ў хубэйскім падпадзяленні кампаніі "Чайна Мабайл".

Як стала вядома, на пачатку гэтага года Ухань быў абраны ў якасці адной з эксперыментальных пляцовак "Чайна Мабайл" па ўкараненні сеткі 5G. На працягу года тут плануецца пабудаваць звыш 100 базавых станцый 5G. У асноўным яны будуць сканцэнтраваны ў зоне "Дунху", якую яшчэ называюць "аптычнай далінай Кітая", на набярэжнай Цзянтань у раёне Ханькоу і побач з вакзалам Ханькоу.

Да 2020 года сетка 5G павінна ахапіць увесь горад і будзе ўведзена ў поўнамаштабную камерцыйную эксплуатацыю. - Р -