У нядзелю дзеючы кіраўнік Венесуэлы Нікалас Мадура быў пераабраны на другі тэрмін, які сканчаецца ў 2025 годзе. Пра гэта паведаміў Нацыянальны выбарчы савет.
Праца выбарчых участкаў пачалася 20 мая ў 6:00 і скончылася ў 18:00. Урад Венесуэлы накіраваў больш за 300 тыс. вайскоўцаў і паліцэйскіх па ўсёй краіне для падтрымання парадку і забеспячэння бесперашкоднага правядзення выбараў. Беспарадкаў, звязаных з выбарамі, не адбылося.
Н. Мадура заявіў, што яго перамога – гэта перамога дэмакратыі і венесуэльскага народа. Ён выказаў спадзяванне на дыялог з усімі лідарамі апазіцыі дзеля міру, стабільнасці і эканамічнага росквіту ў краіне.
Э. Фалькон пасля папярэдняга падліку галасоў заявіў, што выбары "нелегітымныя", і адмовіўся прызнаваць іх вынікі. Прадстаўнікі Дзярждэпартамента ЗША таксама заявілі, што не прызнаюць вынікі выбараў у Венесуэле. - Р -