Дзесяць супрацоўнікаў паліцыі Кітая ў панядзелак накіраваліся ў Італію для ўдзелу ў сумесным патрульным праекце.
Кітайскія паліцэйскія, што свабодна валодаюць італьянскай або англійскай мовамі, з 28 траўня па 17 чэрвеня будуць знаходзіцца ў Рыме, Мілане, Венецыі і Прата для прадастаўлення паслуг кітайскім турыстам і кітайскім грамадзянам, якія пражываюць у Італіі.
Яны будуць ажыццяўляць патруляванне сумесна з італьянскімі калегамі. Будзе таксама запушчана спецыяльная гарачая лінія для звароту па пытаннях парушэння правоў і законных інтарэсаў кітайскіх грамадзян.
У 2014 годзе Кітай і Італія дамовіліся аб правядзенні сумеснага патрулявання падчас высокага турыстычнага сезону.