Старшыня КНР Сі Цзіньпін у суботу ў кітайскім горадзе Ціндаа сустрэўся з прэзідэнтам Пакістана Мамнунам Хусэйнам.

Павіншаваўшы Пакістан з тым, што гэтая краіна ўпершыню прымае ўдзел у саміце Шанхайскай арганізацыі супрацоўніцтва / ШАС / у якасці афіцыйнага члена арганізацыі, Сі Цзіньпін адзначыў, што ў апошнія гады кітайска-пакістанскія адносіны захоўвалі спрыяльную тэндэнцыю развіцця.

Сі Цзіньпін падкрэсліў, што Кітай будзе і далей цвёрда падтрымліваць намаганні Пакістана для абароны дзяржаўнай незалежнасці, суверэнітэту і тэрытарыяльнай цэласнасці, падтрымліваць Пакістан у самастойным выбары свайго шляху развіцця. Кітай будзе, як і раней, разам з Пакістанам аказваць цвёрдую падтрымку адно аднаму ў пытаннях адносна ключавых інтарэсаў дзвюх краін, разам з гэтым абараняць агульныя інтарэсы ўсіх краін, якія развіваюцца.

М. Хусэйн, у сваю чаргу, канстатаваў, што Кітай - надзейны сябар і верны партнёр Пакістана. Адносіны дзвюх краін непахісныя.

М. Хусейн запэўніў, што Пакістан падтрымлівае Кітай у тым, каб ён адыгрываў яшчэ большую ролю ў міжнародных справах, што вельмі важна для захавання глабальнай бяспекі і стабільнасці.