Вярхоўны лідар КНДР Кім Чэн Ын і прэзідэнт ЗША Дональд Трамп у аўторак падпісалі ў Сінгапуры дакумент па выніках іх гістарычнай сустрэчы.

Д. Трамп на цырымоніі падпісання заявіў, што гэта "вельмі важны і даволі ўсёабдымны дакумент".

Кім Чэн Ын са свайго боку назваў яго "гістарычным дакументам", заявіўшы, што абодва бакі "пакінуць мінулае ззаду", а міжнародная супольнасць "убачыць значныя перамены".

Кім Чэн Ын і Дональд Трамп дамовіліся аб усталяванні новых адносін паміж КНДР і ЗША пасля саміту.

Кім Чэн Ын будзе імкнуцца да поўнай дэнуклеарызацыі Карэйскага паўвострава.