Губернатар тайскай правінцыі Пхукет Нарапат Пладтонг 7 ліпеня ўвечары на прэс-канферэнцыі заявіў, што дзякуючы дапамозе двух груп кітайскіх выратавальнікаў, хуткасць пошукава-выратавальных работ павялічылася. Сёння з патанулага катара "Фенікс" удалося падняць 8 загінуўшых. Такім чынам, колькасць загінуўшых пры крушэнні ўзрасла да 41 чалавека, яшчэ 15 па-ранейшаму лічацца прапаўшымі без вестак.

Сёння раніцай група ў складзе 10 кітайскіх ратавальнікаў Міністэрства транспарту Кітая і група ў складзе 7 ратавальнікаў з горада Хайнін прыбылі ў Пхукет, прывезлі з сабой спецыяльнае абсталяванне, у тым ліку батыскаф і радары, каб сумесна з тайскім бокам весці пошукава-выратавальныя работы.

Галоўнакамандуючы Каралеўскім флотам Тайланда заявіў, што ВМФ прыкладзе ўсе намаганні для правядзення пошукава-выратавальных работ, што "пошукава-выратавальныя работы будуць праводзіцца, пакуль не знойдуць апошняга прапаўшага без вестак".

5 ліпеня ў 17.45 па мясцовым часе два судны з кітайскімі турыстамі перакуліліся падчас ліўневых штармоў у водах ля астравоў у правінцыі Пхукет. На двух суднах знаходзіліся 127 кітайскіх турыстаў.