На час правядзення Чэмпіянату свету па футболе органы грамадскай бяспекі Кітая ўзмацнілі работу па барацьбе з незаконнымі футбольнымі стаўкамі. Пра гэта паведаміла напярэдадні Міністэрства грамадскай бяспекі КНР.

Згодна з паведамленнем, з пачатку правядзення ЧС было раскрыта больш за 300 крымінальных спраў, звязаных з незаконнымі стаўкамі на футбольныя матчы, а таксама абясшкоджана больш за 100 злачынных груповак, аб'ём сродкаў, якія фігуруюць па справах, склаў больш за 1 млрд юаняў.

Як стала вядома, на пачатку бягучага года органы грамадскай бяспекі па ўсёй краіне актывізавалі намаганні па барацьбе з незаконнай дзейнасцю, сфакусаваўшыся галоўным чынам на сферы анлайнавых азартных гульняў і футбольных ставак.

Такім чынам, яшчэ да пачатку ЧС было раскрыта больш за 2500 крымінальных спраў, звязаных з азартнымі гульнямі анлайн, абясшкоджана вялікая колькасць груповак і платформаў футбольных ставак у Інтэрнэце. Пры гэтым аб'ём канфіскаваных і замарожаных грашовых сродкаў перавысіў 3 млрд юаняў.