Дзяржсавет КНР апублікаваў часовыя правілы, якія рэгулююць рынак працоўных рэсурсаў, каб даць больш эфектыўную падтрымку насельніцтву ў пытаннях працаўладкавання і прадпрымальніцтва.
Гэта першае ў краіне адміністрацыйнае палажэнне, якое тычыцца пошуку працы, найму і звязаных з гэтым паслуг на рынку працоўных рэсурсаў.
Палажэнне ўступіць ў сілу 1 кастрычніка 2018 года, адпаведную пастанову падпісаў прэм'ер Дзяржсавета Лі Кэцян.
Гэты крок павінен дапамагчы ў навядзенні парадку на рынку працы і аптымізацыі размеркавання працоўных рэсурсаў, а таксама аказаць падтрымку насельніцтву ў пытаннях працаўладкавання і прадпрымальніцтва.
У прыватнасці, у палажэнні гаворыцца, што ўрады на ўзроўні павета і вышэй павінны стварыць інфармацыйную сістэму па рынку працоўных рэсурсаў, якая будзе ахопліваць як сельскія, так і гарадскія раёны, а таксама розныя галіны.
Палажэнне забараняе мясцовым урадам і ўстановам усталёўваць якія-небудзь неправамерныя абмежаванні, што перашкаджаюць рацыянальнаму перамяшчэнню працоўных рэсурсаў.
У ім таксама ўтрымліваецца патрабаванне прасоўваць рэформы па спрашчэнні адміністрацыйных працэдур, перадачы паўнамоцтваў на больш нізкія ўзроўні і па паляпшэнні абслугоўвання.