У аўторак у індыйскім штаце Утар-Прадэш адбылося абвальванне двух будынкаў, у выніку чаго загінулі па меншай меры два чалавекі. Мясцовая паліцыя мяркуе, што пад заваламі знаходзяцца больш за 20 чалавек.

Па словах прадстаўніка адміністрацыі, недабудаваны шасціпавярховы дом паваліўся і ўпаў на суседні чатырохпавярховы будынак, які таксама абрынуўся. Больш за сто выратавальнікаў вядуць пошукі.

Некаторыя СМІ паведамляюць, што ў чатырохпавярховым доме пражывалі 10 сем'яў. Вядзецца расследаванне прычын інцыдэнту. - Р -