У многіх рэгіёнах Японіі ў панядзелак назіралася высокая тэмпература паветра. 2377 чалавек у 9 прэфектурах былі дастаўлены ў бальніцы з цеплавым ударам, 13 пацярпелых памерлі.
Паводле даных метэаслужбы Японіі, тэмпература ў Сайтаме 23 ліпеня дасягнула 41,1 градуса Цэльсія, усталяваўшы новы гістарычны рэкорд для краіны. Максімальная тэмпература паветра ў Токіа і прэфектуры Гіфу пераваліла за 40 градусаў, у сталіцы Японіі гэта адбылося ўпершыню. 70% назіральных пунктаў па ўсёй краіне зафіксавалі тэмпературу звыш 30 градусаў, 26% – 35 градусаў.
Метэаслужба Японіі заклікала насельніцтва краіны сур'ёзна паставіцца да прафілактыкі цеплавых удараў, якія могуць быць смяротна небяспечнымі. Як паведамляе інфармагенцтва, 16-22 ліпеня ў Японіі па меншай меры 21 тыс. чалавек дастаўлена ў бальніцы з цеплавым ударам. - Р -