Палітыка Дональда Трампа "Амерыка перш за ўсё" – гэта агульнае выпрабаванне для Японіі і Еўропы. Пра гэта заявіў міністр замежных спраў Германіі Хайка Маас падчас візіту ў Токіа.
Нямецкі палітык адзначыў, што для Японіі і Еўропы, якім выгадны свабодны гандаль, иснуючая тэндэнцыя гандлёвага пратэкцыянізму і палітыка "Амерыка перш за ўсё" з'яўляюцца агульным выпрабаваннем. Падпісанне ЕС і Японіяй пагаднення аб эканамічным партнёрстве дае свету выразны сігнал аб барацьбе з гандлёвым пратэкцыянізмам.
Хайка Маас правёў гутарку з міністрам замежных спраў Японіі Тара Конам. Бакі аднадушна прызналі важнасць абароны міжнароднага парадку, у тым ліку правілаў свабоднага гандлю. Кіраўнікі МЗС дзвюх краін таксама заявілі, што пагадненне аб японска-еўрапейскім эканамічным партнёрстве з'яўляецца ўвасабленнем цеснага ўзаемадзеяння і асновай двухбаковага супрацоўніцтва ў эканамічнай і палітычнай сферах. Бакі спадзяюцца, што пагадненне як мага хутчэй уступіць у сілу.
Японія і ЕС 17 ліпеня афіцыйна падпісалі пагадненне аб эканамічным партнёрстве пасля пяцігадовых перамоваў. - Р -