З санкцыі Міністэрства прыродных рэсурсаў КНР кітайскае навукова-даследчае судна "Даян-1" у аўторак адправілася з порта Ціндаа (прав. Шаньдун, Усходні Кітай ) у 48-ю навуковую экспедыцыю.
Цяперашняя экспедыцыя будзе доўжыцца 100 дзён, за гэты час судна пераадолее каля 6700 марскіх міль. Удзел у ёй прымаюць 117 прадстаўнікоў з 30 арганізацый краіны, уключаючы Другі акіянаграфічны інстытут Міністэрства прыродных рэсурсаў, шанхайскі універсітэт Цзяатун, Кітайскі геалагічны універсітэт і Інстытут акіянаграфіі Акадэміі навук Кітая.
Падчас экспедыцыі плануецца правесці комплекснае абследаванне прыродных рэсурсаў і глыбакаводнага экалагічнага асяроддзя ў паўночна-заходняй частцы Ціхага акіяна, ажыццявіць прымяненне часткі глыбакаводнага абсталявання ў эксперыментальным парадку, разгарнуць даследаванне праблем глыбакаводнага асяроддзя, у прыватнасці ў дачыненні да мікрапластыку і радыенуклідаў у марскім асяроддзі, а таксама правесці назіранне за птушкамі і марскімі млекакормячымі жывёламі.