Кітайскія астраномы выявілі самую багатую літыем гіганцкую зорку. Знаходка можа праліць больш святла на эвалюцыю Сусвету.
Зорка, у якой літыя ў 3 тыс. разоў больш, чым у звычайнай зорцы, была выяўленая на адлегласці ў 4,5 тыс. светлавых гадоў ад Зямлі ў кірунку сузор'я Змееносца ў паўночнай частцы галактычнага дыска Млечнага шляху.
Камандзе даследнікаў пад кіраўніцтвам астраномаў з Дзяржаўнай астранамічнай абсерваторыі КНР / ДААК / пры Акадэміі навук Кітая ўдалося выявіць гэтую зорку пры дапамозе тэлескопа LAMOST, размешчанага ў абсерваторыі Сінлун у 170 км ад кітайскай сталіцы.
Вынікі даследавання апублікаваныя ў апошнім нумары часопіса Nature Astronomy.