Некалькі дзён таму кітайскія навукоўцы ўпершыню выпусцілі на волю выведзеных у штучных умовах лічынак кітайскага палачніка Чжаа, які ў дарослым стане дасягае ў даўжыню памераў чалавечай рукі і з'яўляецца самым доўгім насякомым у свеце.
У канцы 2017 года супрацоўнікам Заходне-кітайскага музея насякомых у гарадской акрузе Чэнду правінцыі Сычуань удалося штучна выгадаваць палачніка Чжаа даўжынёй 64 см, што стала сусветнай сенсацыяй. Гэты від быў прызнаны самым доўгім насякомым у свеце і ўключаны ў апошнюю версію "Кнігі рэкордаў Гінеса".
31 ліпеня дырэктар Заходне-кітайскага музея насякомых, энтамолаг Чжаа Лі выпусціў на волю 15 штучна выведзеных лічынак палачніка, названага ў яго гонар, у нацыянальным прыродным запаведніку "Даяашань", каб стымуляваць аднаўленне і рост дзікай папуляцыі гэтага насякомага. - Р -