Адміністрацыя САР Сянган сёння паведаміла, што Сянганская частка высакахуткаснай чыгункі Гуанчжоу-Шэньчжэнь-Сянган будзе ўведзена ў эксплуатацыю 23 верасня. Гэта дазволіць састыкаваць Сянган з агульнакітайскай сістэмай высакахуткасных чыгунак. Пасажыры з САР Сянган змогуць падарожнічаць прамымі цягнікамі па 44 напрамках.
Як заявіў кіраўнік Упраўлення па справах перавозак і жылля САР Сянган Чэнь Фань, першы цягнік пакіне вакзал Сянган Заходні Цзюлун ў 7 гадзін раніцы 23 верасня па мясцовым часе. Пункт прызначэння - Паўночны Вакзал горада Шэньчжэнь (правінцыя Гуандун, Паўднёвы Кітай). Кошт квітка ў вагоне другога класа складзе 86 сянганскіх долараў (каля 11 долараў ЗША).
Высакахуткасная чыгунка дазволіць пасажырам падарожнічаць да 44 пунктаў прызначэння ў кантынентальным Кітаі. Сюды ўваходзяць як цягнікі блізкага напрамку (Паўночны Вакзал Шэньчжэня, Паўднёвы Вакзал Гуанчжоу і яшчэ чатыры вакзалы), так і цягнікі далёкага напрамку, у прыватнасьці, да Пекіна, Шанхая і Уханя.