Кітайскі беспілотны батыскаф "Хайлун-11000" устанавіў рэкорд апускання на глыбіню 5630 метраў падчас выпрабаванняў на паўночным захадзе Ціхага акіяна. Пра гэта паведаміла ў панядзелак Міністэрства прыродных рэсурсаў КНР.
Батыскаф з судна "Даян-1" / "Акіян-1" / правёў шэраг выпрабаванняў пад вадой, што доўжыліся 13 гадзін.
Вядучы навуковец экспедыцыі Лі Хуаймін паведаміў, што выпрабаванні паказалі, што апусканні прайшлі ўдала, і батыскаф мае выдатныя функцыянальныя магчымасці для глыбакаводных даследаванняў.
"Хайлун-11000" разлічаны на апусканне на глыбіню да 11 тысяч метраў. Выпрабаванні па апусканні на гэтую глыбіню павінны завяршыцца да 2020 года.