Фотоальбом вялікага фармату "Грандыёзныя перамены: кітайская памяць аб 40 гадах палітыкі рэформаў і адкрытасці" апублікаваны і распаўсюджаны па ўсёй краіне.
Кніга складаецца з двух тамоў і налічвае 10 раздзелаў. У ёй прадстаўлена больш за 800 уражлівых фотаздымкаў, зробленых сотнямі рэпарцёраў агенцтва "Сіньхуа" за апошнія 40 гадоў.
У першым томе сабраны фатаграфіі тыповых для перыяду правядзення палітыкі рэформаў і адкрытасці гарадоў і вёсак, якія адлюстроўваюць грандыёзныя змены ў гарадскіх і сельскіх раёнах усяго Кітая. У другім томе ў спецыяльных раздзелах паказаны каласальныя змены ў эканоміцы, навуцы і тэхніцы, грамадстве, у сферы народнага дабрабыту, культуры і экалогіі, якія адбываліся на працягу апошніх 40 гадоў.
Фотаальбом дае магчымасць зноў перажыць "кітайскі цуд", створаны за 40 гадоў ажыццяўлення палітыкі рэформаў і адкрытасці. Кніга ўяўляе сабой адмысловую эпапею, напісаную працавітымі рукамі кітайскага народа. - Р -