Першы ў свеце лятаючы аўтамабіль ад кампаніі Terrafugia, якая належыць кітайскаму аўтаканцэрну Geely, можна будзе набыць па папярэдняй замове ўжо ў кастрычніку гэтага года. Пра гэта заявілі ў аўторак у кампаніі-вытворцы.
Аўтамабіль уяўляе сабой гібрыдны бензін-электрычны лятаючы апарат, які будзе пастаўлены заказчыку у 2019 годзе, паведаміў Крыс Джаран, галоўны выканаўчы дырэктар кампаніі Terrafugia.
Умяшчальнасць лятаючага аўтамабіля -- два чалавекі. Для ажыццяўлення ўзлёту і пасадкі аўтамабіля неабходна ўзлётна-пасадачная паласа. Пераключэнне паміж рэжымамі палёту і язды зойме адну хвіліну. Першая партыя аўтамабіляў будзе разлічана на кліентаў у Злучаных Штатах. Сабекошт і канчатковая цана на лятаючы аўтамабіль пакуль не вызначаны.
Як паведаміла крыніца з карпарацыі Geely, высокі сабекошт лятаючага аўтамабіля можа абмежаваць яго куплю і выкарыстанне сярод простых спажыўцоў, таму навінка, хутчэй за ўсё, пойдзе на частковую замену невялікіх самалётаў і галоўным чынам будзе абслугоўваць прадпрыемствы, урады і транспартныя кампаніі. - Р -