Беларуска Арына Сабаленка ў фінале тэніснага турніру катэгорыі "Прэм'ер" з прызавым фондам 2,74 млн долараў у кітайскім Ухане абыграла эстонку Анэт Кантавейт -- 6:3, 6:3. У чэмпіёнскай гонцы з новага тыдня Арына размесціцца на 11-м месцы і да канца сезона яшчэ можа апынуцца ў ліку топ-8 тэнісістак, якія адправяцца на выніковы турнір WTA ў Сінгапур.

Паядынак доўжыўся 1 гадзіну 11 хвілін. Пераможцы турніру дасталіся 900 рэйтынгавых балаў і амаль 504 тыс. долараў прызавых. - Р -