Аб'ём гандлю новымі паслугамі ў Кітаі за студзень-жнівень перавысіў трыльён юаняў і вырас на 20,9% у параўнанні з аналагічным перыядам мінулага года. Пра гэта паведамілі ў Міністэрстве камерцыі КНР.

За справаздачны перыяд рост гандлю новымі паслугамі апынуўся на 10,4% вышэй агульнага паказчыка ў сферы паслуг. У прыватнасці, экспарт новых паслуг вырас на 25,5%, а іх імпарт -- на 16,3%. Дынамічнае развіццё гэтага напрамку чыноўнік міністэрства Лі Цзюнь звязаў з хуткім развіццём сектара паслуг і палітычнай падтрымкай з боку ўрада, садзейнічаннем развіццю і пашырэнню адкрытасці сектара паслуг. - Р -