Афіцыйны прадстаўнік Міністэрства абароны КНР У Цянь пракаменціраваў заход амерыканскага ваеннага карабля ў акваторыю паблізу кітайскіх астравоў і рыфаў у Паўднёва-Кітайскім моры.
Як паведамляецца, амерыканскі ракетны мінаносец Decatur 30 верасня без дазволу ўрада КНР зайшоў у акваторыю паблізу кітайскіх астравоў і рыфаў у ПКМ. ВМС НВАК неадкладна адрэагавалі і накіравалі ваенны карабель для ажыццяўлення праверкі прыналежнасці амерыканскага карабля, а таксама яго папярэджання і выцяснення.
У Цянь адзначыў, што Кітай валодае бясспрэчным суверэнітэтам над астравамі ў ПКМ і прылеглай да іх акваторыі. ЗША падрываюць адносіны паміж КНР і ЗША і іх ўзброенымі сіламі, ствараюць пагрозу міру і стабільнасці ў рэгіёне. Армія Кітая выказвае ў сувязі з гэтым рашучы пратэст.
У Цянь паказаў, што Кітай паважае і адстойвае свабоду навігацыі і палётаў праз ПКМ усіх краін у адпаведнасці з міжнародным правам, аднак рашуча выступае супраць таго, каб якія-небудзь краіны здзяйснялі правакацыі, стваралі пагрозу суверэнітэту і бяспецы прыбярэжных дзяржаў, а таксама міру і стабільнасці ў рэгіёне.
Армія Кітая будзе цвёрда выконваць свае абавязкі па забеспячэнні абароны, прымаць усе неабходныя меры па забеспячэнні бяспекі суверэнітэту краіны, а таксама міру і стабільнасці ў ПКМ, сказаў прадстаўнік МА КНР.