Пастаянны прадстаўнік ЗША ў ААН Нікі Хэйлі пакіне свой пост у канцы года. Пра гэта ў аўторак заявіў прэзідэнт ЗША Дональд Трамп. Выступаючы перад журналістамі ў Белым доме, кіраўнік амерыканскай адміністрацыі паведаміў, што шэсць месяцаў таму Н. Хэйлі выказала намер сысці з пасады пастаяннага прадстаўніка ў канцы года пасля двухгадовага знаходжання на пасадзе. Амерыканскі лідар адзначыў, што можа вылучыць новага кандыдата на гэты пост на працягу 2-3 тыдняў.
На пытанне аб прычынах адстаўкі Хэйлі адказала, што сыходзіць не па асабістых прычынах і ўпэўненая ў неабходнасці ратацыі. Яна падкрэсліла, што не будзе вылучаць сваю кандыдатуру падчас прэзідэнцкай кампаніі 2020 года, але гатова падтрымаць Д. Трампа на наступных выбарах. - Р -