Прэм'ер Дзяржсавета КНР Лі Кэцян і канцлер Германіі Ангела Меркель адправілі віншавальныя лісты з нагоды цырымоніі закладкі першага каменя новага завода BMW Brilliance ў Шэньяне, адміністрацыйным цэнтры правінцыі Ляанін.
Сёлета адзначаецца 40-я гадавіна правядзення палітыкі рэформаў і адкрытасці ў Кітаі, сказаў Лі Кэцян, дадаўшы, што Кітай гатовы адчыняць дзверы ўсё шырэй, далей пашыраць доступ да сваіх рынкаў, ствараць справядлівую бізнес-атмасферу для ўнутраных і замежных прадпрыемстваў.
"Мы вітаем пашырэнне супрацоўніцтва замежных прадпрыемстваў з Кітаем, каб лепш ажыццяўляць агульнае развіццё", -- падкрэсліў Лі Кэцян.
А.Меркель адзначыла, што падпісанне рамачнага пагаднення стратэгічнага супрацоўніцтва паміж кітайскай кампаніяй Brilliance Auto і BMW, відавочцамі якога сталі Лі Кэцян і яна сама, з'яўляецца ясным сігналам нарошчвання нямецка-кітайскіх адносін эканамічнага супрацоўніцтва і партнёрства, якія характарызуюцца доўгатэрміновай стабільнасцю, узаемнай выгадай і агульным выйгрышам.
Германія рада бачыць, што ў Кітаі паглыбляюцца рэформы і адкрытасць і пашыраецца рынкавы доступ, а таксама спадзяецца, што двухбаковыя стасункі змогуць дасягнуць новых поспехаў, адзначыла канцлер Германіі. - Р -