Кітай вывеў на арбіту яшчэ адзін навігацыйны спадарожнік "Бэйдоу-3". Пуск быў ажыццёўлены з касмадрома Січан у паўднёва-заходняй кітайскай правінцыі Сычуань.
Спадарожнік, запушчаны з дапамогай ракеты-носьбіта "Чанчжэн-3Б" / серыя "Вялікі паход" /, стаў 41-м у спадарожнікавай навігацыйнай сістэме "Бэйдоу", і разам з яшчэ 16 спадарожнікамі увайшоў у склад падсістэмы "Бэйдоу-3". Ён таксама стаў першым высокаарбітальным спадарожнікам "Бэйдоу-3" - вышыня яго арбіты складзе каля 36 тыс. кіламетраў.
Па словах галоўнага канструктара сістэмы Ян Чанфэна, базавая частка навігацыйнай сістэмы з выкарыстаннем спадарожнікаў "Бэйдоу-3" будзе гатовая да канца года і пачне абслугоўваць краіны ўздоўж "Пояса і шляху".
Сённяшні запуск стаў ужо 290-м для кітайскіх ракет-носьбітаў сямейства "Чанчжэн".