Прэм'ер Дзяржсавета КНР Лі Кэцян на праведзеным сёння першым плянарным пасяджэнні Дзяржаўнай кіруючай групы па справах навукі і тэхнікі заклікаў да паглыблення рэформаў для стымулявання крэатыўнасці ва ўсіх пластах грамадства і да выкарыстання тэхналагічных інавацый для падтрымкі развіцця. Лі Кэцян паказаў, што інавацыі з'яўляюцца важным складнікам будучыні і лёсу асобна ўзятай краіны, і Кітай павінен узмацняць свае перавагі ў выглядзе чалавечых рэсурсаў і ўнутранага рынку для прасоўвання тэхналагічных інавацый і палягчэння высакаякаснага развіцця краіны на фоне трансфармацыі і ўдасканалення нацыянальнай эканомікі.
Лі Кэцян заклікаў надаваць увагу прарыву па ключавых тэхналогіях, да фарміравання новых фактараў росту і да прасоўвання інтэграцыі тэхналогій у эканоміку. Варта прасоўваць больш глыбокія рэформы сістэмы кіравання навукай і тэхналогіямі і забяспечваць абарону інтэлектуальнай уласнасці для стварэння спрыяльных умоў для інавацый. Лі Кэцян падкрэсліў, што фундаментальныя даследаванні выступаюць падмуркам для ўсіх навук, і заклікаў да ўмацавання доўгатэрміновай і устойлівай падтрымкі адпаведных даследаванняў і да павелічэння інвестыцый у гэту сферу з боку прадпрыемстваў і іншых сіл. - Р -