Кіраўнік апарата супрацоўнікаў Белага дома Джон Келі сыдзе ў адстаўку да канца года. Пра гэта ў суботу заявіў прэзідэнт ЗША Дональд Трамп.
Паводле яго слоў, ён абвесціць пра пераемніка Дж. Келі ў бліжэйшыя дні.
68-гадовы Дж. Келі ў ліпені мінулага года быў прызначаны на пасаду кіраўніка апарата супрацоўнікаў Белага дома. Раней ён займаў пасаду міністра ўнутранай бяспекі краіны.
Нагадаем, што за апошні час у адміністрацыі Д. Трампа часта адбываюцца кадравыя перастаноўкі. 7 снежня Д. Трамп абвясціў аб кандыдатурах Уільяма Бара і Хізэр Наўэрт на пасты міністра юстыцыі і пастаяннага прадстаўніка пры ААН адпаведна.