Злачынца ў аўторак застрэліў чатырох чалавек у царкве ў Бразіліі, пасля чаго пакончыў з сабой. Пра гэта паведаміў мясцовы тэлеканал Globo TV. Паводле яго даных, стральба адбылася ў кафедральным саборы горада Кампінас падчас паўдзённай імшы. Злачынец быў узброены двума пісталетамі і стрэліў па меншай меры 20 раз, перш чым паліцэйскія ўступілі з ім у перастрэлку. Зламыснік пакончыў з сабой перад алтаром.
Улады паведамілі, што матыў стральбы пакуль невядомы. "Думаем, што ён страляў выпадковым чынам, не пераследючы канкрэтнай мэты", -- сказаў тэлеканалу сакратар па бяспецы Кампінаса Луіс Баджа. Паводле яго слоў, камеры назірання паказалі, што злачынец увайшоў у царкву як звычайны вернік, сеў у задніх шэрагах на некалькі хвілін, затым падняўся і пачаў страляць.
Яшчэ чатыры чалавекі пацярпелі і былі дастаўлены ў бальніцу. - Р -