Тры ключавыя гістарычныя вехі на шляху адраджэння кітайскай нацыі названы старшынём КНР. Сі Цзіньпін агучыў іх сёння, выступаючы на ўрачыстым сходзе з нагоды 40-годдзя палітыкі рэформаў і адкрытасці. Асноватворнае значэнне з часоў Руху 4 мая мае заснаванне КПК, утварэнне КНР і пачатак рэалізацыі палітыкі рэформаў і адкрытасці, старт пабудовы сацыялізму з кітайскай спецыфікай.
Камуністы на чале з Маа Цзэдунам заснавалі новую краіну -- КНР. На 3-м пленуме КПК 11-га склікання Кітай пад кіраўніцтвам Дэн Сяапіна вызначыў прынцыпы і мэты сацыялізму з кітайскай спецыфікай. На 4-ым пленуме КПК 13-га склікання, які прайшоў пад старшынствам Цзян Цзэміня, курс сацыялізму з кітайскай спецыфікай быў выразна накіраваны на 21-е стагоддзе. Пасля 16-га з'езда Ху Цзіньтаа працягнуў развіццё сацыялізму з кітайскай спецыфікай з улікам новых гістарычных рэалій. Разам з 18-ым з'ездам Кампартыі Кітая сацыялізм з кітайскай спецыфікай увайшоў у новую эпоху. - Р -