18 снежня генеральны сакратар ЦК КПК Сі Цзіньпін заявіў, што вопыт, назапашаны на працягу сарака гадоў рэформаў і адкрытасці, нагадвае пра тое, што кіраўніцтва КПК -- істотная рыса сістэмы сацыялізму з кітайскай спецыфікай, а таксама з'яўляецца яе найбольшай перавагай. Кіруючая роля КПК - гэта прынцыпова важнае пытанне, якое не выклікае сумневаў. Варта рашуча абараняць аўтарытэт цэнтралізаванага і адзінага кіраўніцтва ЦК КПК, увасабляць у жыццё рэформы, развіццё краіны, стабілізаваць унутраную і знешнюю палітыку, абарону, партыйнае, дзяржаўнае і ваеннае кіраванне. Кіраўнік дзяржавы таксама заявіў, што партыя павінна ўдасканаліць спосаб кіраўніцтва, павысіць здольнасць да дзяржаўнага кіравання і ўзровень яго эфектыўнасці, бесперапынна паляпшаць здольнасць да вызначэння напрамкаў развіцця, агульнага планавання, распрацовак палітычных пастаноў, садзейнічання новаўвядзенням, каб карабель рэформаў і адкрытасці ішоў наперад верным курсам.